哈囉喂屍房菜及主題彩繪
今個萬聖節，海洋公園推出多款期間限定的創新「屍房菜」，等你食飽再上路！爐炭燒的套餐主菜「海鮮炒金邊粉」及「炭燒牛柳伴鴨肝配香草牛油」分別以恐怖稻草人及急凍人腦為造型，為你呈獻百般滋味！冰極餐廳的「南瓜未來植物肉醬配鮮蝦薄餅」及「美式燒烤醬排骨配意式鮮茄雜菜腐皮卷」用料十足，配以血紅眼珠及骷髏骨賣相，讓你食到唔敢眨眼！水都餅店及灣景餐廳多款甜品以鬼怪、南瓜和棺材為主題，未食已讓人大呼過癮！另外不要錯過加入針筒裝飾的怪誕雞尾酒「不甘是藥」，一杯落肚即幫你壯膽！園內小食亭亦特備「五臟六腑」、「孟婆梳打水」及「鬼馬荷蘭水」等小食和特飲，要親自試過先知鬼咁滋味！
另外，嚟「哈囉喂全園祭」參加派對，梗係要扮到鬼火咁靚！專業化妝師將在海濱小賣站坐鎮，為貪靚的你提供「面部彩繪服務」，不論加添可愛小南瓜圖案抑或驚嚇血痕look，都由你話事！預備好萬聖節造型上陣，包保你全日條條大路通陰間！
